त्रिवेणी स्तोत्रम् | Triveni Stotram | Adi Shankaracharya Krit Triveni Stotram #Mahakumbh 2025 @MERE Krishna <br /><br />#mahakumbh2025 #mahakumbh #trivenisangam #triveni #त्रिवेणी #त्रिवेणीसंगम #महाकुंभ #महाकुंभ2025 <br /><br />त्रिवेणी स्तोत्र<br /><br />मुक्तामयालङ्कृतमुद्रवेणी भक्ताभयत्राणसुबद्धवेणी।<br />मत्तालिगुञ्जन्मकरन्दवेणी श्रीमत्प्रयागे जयति त्रिवेणी।<br /><br />लोकत्रयैश्वर्यनिदानवेणी तापत्रयोच्चाटनबद्धवेणी।<br />धर्माऽर्थकामाकलनैकवेणी श्रीमत्प्रयागे जयति त्रिवेणी।<br /><br />मुक्ताङ्गनामोहन-सिद्धवेणी भक्तान्तरानन्द-सुबोधवेणी।<br />वृत्त्यन्तरोद्वेगविवेकवेणी श्रीमत्प्रयागे जयति त्रिवेणी।<br /><br />दुग्धोदधिस्फूर्जसुभद्रवेणी नीलाभ्रशोभाललिता च वेणी।<br />स्वर्णप्रभाभासुरमध्यवेणी श्रीमत्प्रयागे जयति त्रिवेणी।<br /><br />विश्वेश्वरोत्तुङ्गकपर्दिवेणी विरिञ्चिविष्णुप्रणतैकवेणी।<br />त्रयीपुराणा सुरसार्धवेणी श्रीमत्प्रयागे जयति त्रिवेणी।<br /><br />माङ्गल्यसम्पत्तिसमृद्धवेणी मात्रान्तरन्यस्तनिदानवेणी।<br />परम्परापातकहारिवेणी श्रीमत्प्रयागे जयति त्रिवेणी।<br /><br />निमज्जदुन्मज्जमनुष्यवेणी त्रयोदयोभाग्यविवेकवेणी।<br />विमुक्तजन्माविभवैकवेणी श्रीमत्प्रयागे जयति त्रिवेणी।<br /><br />सौन्दर्यवेणी सुरसार्धवेणी माधुर्यवेणी महनीयवेणी।<br />रत्नैकवेणी रमणीयवेणी श्रीमत्प्रयागे जयति त्रिवेणी।<br /><br />सारस्वताकारविघातवेणी कालिन्दकन्यामयलक्ष्यवेणी।<br />भागीरथीरूपमहेशवेणी श्रीमत्प्रयागे जयति त्रिवेणी।<br /><br />श्रीमद्भवानीभवनैकवेणी लक्ष्मीसरस्वत्यभिमानवेणी।<br />माता त्रिवेणी त्रयीरत्नवेणी श्रीमत्प्रयागे जयति त्रिवेणी।<br /><br />त्रिवेणीदशकं स्तोत्रं प्रातर्नित्यं पठेन्नरः।<br />तस्य वेणी प्रसन्ना स्याद् विष्णुलोकं स गच्छति।
